تحية طيبة اليوم بصادف مرور سنة على ولادة بنتي الوحيدة. حبيت شارك هالذكرى مع أهلي وأصدقائي بالمنتدى. عقبال ما نفرح بأولادكم وتنفرج الأزمة بأقرب وقت إن شاء الله.
كل سنة وانتو سالمين عرمضان ولو انو متأخرة وينعاد علينا بالفرج لبلدنا وهداوة البال ياا رب وتفريج الهموم والكروب ..
وانشالله العمر كلو لبنت Dr.Dude وتشوفوها بأحسن المراتب ..
مظبوط .. انا ولدت من شي اسبوعين الله يسلمكن وطبعاً متل كل أم ودعت شي اسمو نوم وراحه .. الحمدلله والله يكتبلو ايام احلى من يلي عم نمرق فيا ...
ما عرفت مين someone >>> انا صايرة مو شاطرة بالحزازير .. قولولنا مين :)
خالد صادق .. اسمك مو غريب عليي ابداً بتذكركن منيح ايام كنا نتحدى مين همتو اكتر الصيدلة او المدني .. اسقى الله وانشالله بيرجع لو جزء من يلي كان بهمتنا جميعا
بتعرفو جاييتني حالة اكتئاب تبع كل فترة .. ولما فوت عالمنتدى بروح عن نفسي كتير ...
phmab عودة حميدة لقواعد المنتدى
في موقع بتابعه اسمه بيبي سنتر آرابيا فيه مواضيع مفيدة عن الأم والطفل متل العناية بالطفل الجديد، التطور الروحي والحركي كل اسبوع أو كل شهر، النوم، الرضاعة، ادخال الوجبات الغذائية، اسباب البكاء وعلاجها، وكتير أشياء ممكن تفيد طفلك بالسنة الأولى وبعدين: http://arabia.babycenter.com
بالاضافة لمواقع تانية وكتب ممكن اتلاقيها عالنت
ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية WwW.Jamaa.Net