السلام عليكم ورحمة الله وبركاته:
أحب ان أبشر كل الطلبة المنتقلين إلى السنة الرابعة بتخصص التربية الخاصة بمرحلة الإجازة
أنهم سيكونوا أول دفعة تخرج من هذا التخصص وسيكون ذلك إن شاء الله في العام الدراسي 2012/2013
وبالتالي في كذا شغلة حابب اني خبركم فيها:
الأولى: انو قسم التربية الخاصة بكلية التربية بجامعة دمشق
بدو الخريجين الأوائل من هادا القسم لحتى يعينهون معيدين بالكلية
ومشان هيك حاولوا قد ما فيكم ارفعوا معدلاتكم....
الشغلة التانية: يمكن ياخدوا الخريجين العشرة الأوائل بعثة للخارج
الشغلة التالتة:  راح ينعملكم حفلة كبيرة كتير بمناسبة تخرجكم....لأنكم أول دفعة...
الشغلة الرابعة::
بدي حدا منكم يكون شطور كتير ويخبرني وبكل وضوح تام:::
شو التدريب الميداني يلي أخدتوه بالسنة الثالثة....وعندكم فكرة عن التدريب الميداني يلي راح يصير بالسنة الرابعة
لانو الموضوع هادا بدي احكي فيه قدام الدكتورة رئيسة القسم يلي عنا بالكلية ماشي....
وإن شاء بالتوفيق للكل....
صديقكم المتفوق

لك مشان الله....معقول ما في ولا طالب ولا طالبة
من قسم التربية الخاصة
ولا عمتفوتوا ومو هاممكم الموضوع
أنا حطيت كذا موضوع لطلبة قسم التربية الخاصة
وما كان في أي مشاركة
لا من قريب ولا من بعيد
أي شو عليه
والله العظيم الحق مو عليكم لا يمين بالله
الحق علي أنا قاعد حمطرح مواضيع مهمة قدام الدكتورة رئيسة قسم التربية الخاصة يلي بالكلية بخصوصكم
وقاعد عمباخود رايكم فيها........................

مو ليكون في طلاب وكلية متل الخلق

ما حدا لحدا صديقي ..

اول شي شكرا كتير إلك

تانياً مشان التدريب الميداني :
كان التدريب الميداني هو عبارة عن زيارات لمراكز التربية الخاصة وكانت مهمتنا انو نشوف شو عم يشتغلو  الاساتذة والطلاب ونكتب ملاحظات عن هالشي و بكل مرة كان في موضوع محدد يكون مطلوب انو نشوفو او نسأل عنو ..

المراكز كانت ( مركز الامل للصم والبكم - مركز المكفوفين  )
بعدين صار التدريب كلو لكل الطلاب بمنظمة آمال مقسمين لمجموعات كل مجموعة يوم محدد ..

طابعا كتير استفدنا منون  وكان التدريب كتيييييييييير حلو لان اكيد كل شي نظري مناخدو  بيختلف ع ارض الواقع وبالمراكز  ..

عن التدريب بالسنة الرابعة ما عنا كتير فكرة عن الموضوع بس حكا الدكتور انو ممكن يكون التدريب ع كيفية التقييم والتشخيص يعني ممكن باخر الفصل تكون مهمتنا نقييم ونشخص طفل ..


وسوري للتأخر بالرد بس انو كانت فترة امتحانات ومو دايما بكون ع النت

التدريب الميداني كان عبارة عن زيارات عمراكز لمختلف الاعاقات وكنا عشكل مجموعات و مجموعتنا  زارت مركز النور للشل الدماغي نحنا كنا بس نتابع  وما طبقنا اي شي عملي للاسف  وكمان رحنا عأمال بأمال تغيرا  لوضع شوي  وكنا كل اتنين يصف هدا عطا فرصة لحدا يطبق والتاني يتفرج  التدريب كان شي جديد 

الحمدلله انو في مين رد على الموضوع وانا كتير مبسوط من هادا الشيء
ان شاء الله الكل يكون قدم فحص منيح
وان شاء الكل يكون بخير وسلامة
بالنسبة للتدريب الميداني يلي وصفتولي ياه كتير ممتاز وفي شغل
وربط النظري مع العملي
والتنوع في التدريب مع الاطفال
واخيرا لقيت الجواب ع سؤالي
بالنسبة للسنة الرابعة
راح تكون سنة التخرج وسنة كتير بدها شغل
وزي ما حكيت التلاتة الاوائل راح يكونو معيدين بالكلية
وراح تكون سنة التدريب والشغل العملي المكثف